У матэрыяле гаворыцца, што калі будзе прыняты гэты прававы акт, то развядзенне, продаж і забой сабак для спажывання ў ежу стануць пад забаронай. З моманту прыняцця закона фермы па гадоўлі сабак для ежы, прадпрыемствы па забою і продажы, а таксама рэстараны павінны будуць зарэгістравацца ў органах мясцовага кіравання і даць план дзеянняў па спыненні дзейнасці.

Улады Рэспублікі Карэя плануюць даць кампаніям трохгадовую адтэрміноўку для канчатковага спынення дзейнасці. І толькі пачынаючы з 2027 года пачнуць штрафаваць за парушэнне закона.

Міністр харчавання, сельскай, лясной і рыбнай гаспадаркі Чон Хван Гын заявіў, што пасля прыняцця закона сабакі будуць выключаны з вызначэння «хатняя жывёла». Паралельна з прыняццем прававога акта пачнуцца ўзмоцненыя праверкі арганізацый, звязаных з вырошчваннем сабак на забой, нарыхтоўкай і распаўсюджваннем іх мяса.

Урада краіны плануе аказаць падтрымку ўсім арганізацыям, якія будуць вымушаныя змяніць від дзейнасці або закрыць свой бізнэс з-за прыняцця закона.

Паводле дзяржаўнай статыстыкі, у цяперашні час у Рэспубліцы Карэя існуе каля 1150 ферм, 34 бойні, 219 дыстрыбутарскіх кампаній і 1600 рэстаранаў, якія выкарыстоўваюць сабак для харчовых мэтаў.

Звязда, 17 лістапада 2023