Супольнасць у WhatsApp гэта, па сутнасці, набор груп.

Карыстальнікі могуць ствараць супольнасці, а адміністратары супольнасці змогуць кіраваць групамі ўнутры і адпраўляць паведамленні ўсім групам адначасова. Асобныя чаты, звязаныя з гэтай групай, могуць працягвацца ў ёй.

Супольнасці будуць падтрымліваць скразное шыфраванне. Пакуль у WhatsApp не будуць дадаваць магчымасць пошуку і выяўлення новых супольнасцяў, што ёсць у іншых месенджарах. 

Распрацоўшчыкі абмяжуюць магчымасць перасылкі паведамленняў, каб паменшыць распаўсюджванне дэзінфармацыі ў групах супольнасці.

Новая функцыя стане даступная на гэтым тыдні для невялікай колькасці тэстараў па ўсім свеце. Пазней супольнасці WhatsApp стануць даступныя для ўсіх.

Звязда, 16 красавіка 2022