Удакладняецца, што разам з традыцыйнай паперай з драўнянай цэлюлозы прапануецца запусціць вытворчасць каменнай паперы – з вапняка і нетаксічнага палімера.

«З вапняка можна рабіць як шчыльную пакавальную паперу, так і офісную, кніжную і нават туалетную. Калі ў краіне будзе наладжана масавая вытворчасць, цэны на яе будуць падобнымі ці нават больш нізкімі, чым на звычайную паперу», — заявіў Ялсукоў.

Паводле яго слоў, сёння каменную паперу ўжо вырабляюць у Японіі. Напрацоўкі ёсць і ва Узбекістане, дзе таксама шмат вапняка, акрамя таго, аб падобных праектах паведамляла Турцыя.

«Запасы вапняка ў Расіі лічацца невычэрпнымі. Такую паперу не прыйдзецца адбельваць, яна больш устойлівая да пашкоджанняў, у тым ліку да вільгаці. Яе можна выкарыстоўваць для ўсіх відаў друку. Да таго ж яна экалагічная і біяраскладаемая», — падкрэсліў аўтар ініцыятывы.

Адзначаецца, што праект прадставяць у трэку Нацыянальнай тэхналагічнай ініцыятывы форуму «Моцныя ідэі для новага часу» у Маскве.

Звязда, 24 красавіка 2022