Белорусский портал в Казахстане

Недружалюбныя дзеянні Еўрапейскага саюза ў адносінах да Беларусі вяртаюцца да яго бумерангам і б`юць па яго ж краінах



Такое меркаванне выказаў міністр інфармацыі Беларусі Уладзімір Пярцоў у праграме "Клуб рэдактараў" на тэлеканале "Беларусь 1".

"Яшчэ адна выснова бягучага года: гэта такі бумеранг справядлівасці. Усё тое, што яны накіроўвалі супраць нас і ў палітыцы, і ў эканоміцы, дакладна бумерангам, прычым іншым разам у нейкім шматразова ўзмоцненым выглядзе, б`е па іх", - звярнуў увагу Уладзімір Пярцоў.

Ён нагадаў аб рэгулярных закліках афіцыйнага Вільнюса ўводзіць санкцыі супраць Беларусі, а цяпер Літва церпіць з-за спаду аб`ёмаў перавалкі беларускіх грузаў у сваіх партах. Акрамя таго, на недружалюбныя дзеянні Літвы адказаў Кітай.

"Гэта прывядзе фактычна да краху эканомікі Літвы. Добра, Беларусь - дзясяткі, сотні мільёнаў долараў (з Расіяй яны даўно практычна ўжо закончылі эканамічныя ўзаемаадносіны), але Кітай, які цяпер пачаў значную блакаду і, па сутнасці, гандлёвую вайну з маленькай Літвой. І ў геапалітыцы, і ў палітыцы тое ж самае, - адзначыў міністр. - Глядзіце, што ў Польшчы робіцца. А што будзе ў вялікіх еўрапейскіх дзяржавах пасля цэн на газ і халоднай зімы?"

31 снежня 2021, Мінск
БЕЛТА

Ссылка на текущий документ: http://belarus.kz/aktueller/3-402/34/62623
Текущая дата: 06.10.2024