Прэм`ер-міністр Расіі Дзмітрый Мядзведзеў упэўнены, што рубель можа стаць міжнароднай рэзервовай валютай.
"Я лічу, што ў рубля ёсць у гэтым сэнсе ўсе шансы стаць такой валютай", — заявіў Мядзведзеў на трэцім міжнародным інвестыцыйным форуме ў Ялце 27 верасня, паведамляе РІА Новости.
Прэм`ер адзначыў, што Расія прасоўвае праект па наданні рублю статусу рэзервовай валюты не адна, а разам са сваімі партнёрамі па Адзінай эканамічнай прасторы — Беларуссю і Казахстанам.
"Мы цяпер думаем аб тым, каб усе гэтыя валютныя пытанні, а таксама пытанні развіцця фінансавага цэнтра ў Маскве вырашаць разам", — сказаў ён.
Мядзведзеў нагадаў, што толькі ў выніку стварэння Мытнага саюза тавараабарот паміж яго ўдзельнікамі вырас на 30—40%, а аб`ём агульнага рынку дасягнуў 165 млн. чалавек.
Прэм`ер адзначыў, што цяпер валюты азіяцкіх краін "стукаюцца ў дзверы", і выказаў меркаванне, што пасля таго як Кітай прыме рашэнне аб канвертацыі сваёй валюты, усе дзяржавы будуць намінаваць свае грашовыя рэзервы ў юані.
"Гэта патрабаванне жыцця. Мы ў 2008 годзе пераканаліся, што цяперашняя валютная сістэма нестабільная, яна патрабуе дадатковай апоры. А што гэта за апора? Гэта іншыя дадатковыя рэзервовыя валюты", — сказаў Мядзведзеў.
Прэм`ер таксама перакананы ў неабходнасці стварэння міжнароднага фінансавага цэнтра ў Маскве з прычыны яе выключнай ролі як моста паміж эканомікамі розных краін.
"Я лічу, што ў Масквы ў сілу геапалітычных прычын, у сілу фінансавых магчымасцяў Расіі, у сілу яе стратэгічнага, калі хочаце, прызначэння адназначная роля — выступаць такім мостам паміж эканомікамі розных краін", — сказаў Мядзведзеў.
Ён паведаміў, што найбліжэйшым часам мае намер правесці па гэтым пытанні чарговую сустрэчу, аднак не ўдакладніў, з кім менавіта і калі.
БелаПАН
Мінск, 28 верасня 2012
Прэм`ер адзначыў, што Расія прасоўвае праект па наданні рублю статусу рэзервовай валюты не адна, а разам са сваімі партнёрамі па Адзінай эканамічнай прасторы — Беларуссю і Казахстанам.
"Мы цяпер думаем аб тым, каб усе гэтыя валютныя пытанні, а таксама пытанні развіцця фінансавага цэнтра ў Маскве вырашаць разам", — сказаў ён.
Мядзведзеў нагадаў, што толькі ў выніку стварэння Мытнага саюза тавараабарот паміж яго ўдзельнікамі вырас на 30—40%, а аб`ём агульнага рынку дасягнуў 165 млн. чалавек.
Прэм`ер адзначыў, што цяпер валюты азіяцкіх краін "стукаюцца ў дзверы", і выказаў меркаванне, што пасля таго як Кітай прыме рашэнне аб канвертацыі сваёй валюты, усе дзяржавы будуць намінаваць свае грашовыя рэзервы ў юані.
"Гэта патрабаванне жыцця. Мы ў 2008 годзе пераканаліся, што цяперашняя валютная сістэма нестабільная, яна патрабуе дадатковай апоры. А што гэта за апора? Гэта іншыя дадатковыя рэзервовыя валюты", — сказаў Мядзведзеў.
Прэм`ер таксама перакананы ў неабходнасці стварэння міжнароднага фінансавага цэнтра ў Маскве з прычыны яе выключнай ролі як моста паміж эканомікамі розных краін.
"Я лічу, што ў Масквы ў сілу геапалітычных прычын, у сілу фінансавых магчымасцяў Расіі, у сілу яе стратэгічнага, калі хочаце, прызначэння адназначная роля — выступаць такім мостам паміж эканомікамі розных краін", — сказаў Мядзведзеў.
Ён паведаміў, што найбліжэйшым часам мае намер правесці па гэтым пытанні чарговую сустрэчу, аднак не ўдакладніў, з кім менавіта і калі.
БелаПАН
Мінск, 28 верасня 2012
Ссылка на текущий документ: http://belarus.kz/aktueller/3-402/68/16606
Текущая дата: 06.11.2024