Смаргонскія пагранічнікі ў пункце пропуску "Каменны Лог" 4 кастрычніка прынялі ад прадстаўнікоў Службы аховы дзяржаўнай мяжы Літвы трох грамадзян Беларусі.
Як паведамілі ў прэс-цэнтры Дзяржаўнага пагранічнага камітэта Беларусі, двое з іх былі затрыманы літоўскімі пагранічнікамі за кантрабанду цыгарэт. У адпаведнасці з літоўскім пагранічным заканадаўствам яны адбывалі пакаранне ў выглядзе двух месяцаў зняволення ў цэнтры рэгістрацыі замежных грамадзян у Побрадзе.
Яшчэ адзін беларус, які парушыў мяжу з мэтай наведвання сваякоў, адбываў пакаранне ў выглядзе 25 сутак арышту ў турме.
Усе яны будуць пакараныя і ў адпаведнасці з беларускім заканадаўствам. Грамадзяне аформлены парушальнікамі дзяржаўнай мяжы, на кожнага з іх накладзены штраф: па 1,5 мільёна на кантрабандыстаў і 500 тысяч — на аматара нелегальна хадзіць у госці.
Вячаслаў Будкевіч, БелаПАН
Мінск, 5 кастрычніка 2012
Яшчэ адзін беларус, які парушыў мяжу з мэтай наведвання сваякоў, адбываў пакаранне ў выглядзе 25 сутак арышту ў турме.
Усе яны будуць пакараныя і ў адпаведнасці з беларускім заканадаўствам. Грамадзяне аформлены парушальнікамі дзяржаўнай мяжы, на кожнага з іх накладзены штраф: па 1,5 мільёна на кантрабандыстаў і 500 тысяч — на аматара нелегальна хадзіць у госці.
Вячаслаў Будкевіч, БелаПАН
Мінск, 5 кастрычніка 2012
Ссылка на текущий документ: http://belarus.kz/aktueller/3-402/68/16733
Текущая дата: 06.11.2024