Беларускі вытворца пакажа пераасэнсаванне легендарных мадэляў МТЗ-50 і МТЗ-80 і шэраг іншых мадэляў.

Беларускі трактарабудаўнік прывязе на выставу шэсць мадэляў. З іх - пераасэнсаваныя варыянты заслужаных машын, а таксама прататып новага трактара і мадэлі, якія зведалі мадэрнізацыю.

"Мэта экспазіцыі - паведаміць аб намерах і адначасова нагадаць аб мінулых заслугах", - падкрэслілі ў прэс-службе.

Адна з навінак - BELARUS-742 - уяўляе сабой будучага прабацьку новага сямейства, канструктары будавалі яго з аглядкай на заслужаныя МТЗ-50 і МТЗ-80. Адзначаецца, што навінка адказвае сучасным экалагічным патрабаванням. Завадчане таксама прывязуць на выставу і малагабарытны трактар, такія мадэлі асабліва папулярныя ў дробных гаспадарках, а таксама ў якасці камунальнай або нарыхтоўчай тэхнікі.

Выстава AGRITECHICA-2019 будзе працаваць з 10 па 16 лістапада.

Мінск, 12 кастрычніка 2019
Sputnik