8 кастрычніка 2022 г. на тэрыторыі стамбульскага Універсітэта Айдын адкрылася выстава, прымеркаваная да 140-годдзя класікаў беларускай літаратуры Янкі Купалы і Якуба Коласа, паведамляе Генеральнае консульства Беларусі ў Стамбуле.
У мерапрыемстве, якое адбылося па ініцыятыве Генконсульства Беларусі і пры садзейнічанні аднайменных беларускіх літаратурных музеяў, узялі ўдзел беларуская дыяспара, прадстаўнікі консульскага корпуса, актыў універсітэта.
У сваім выступленні Генеральны консул Беларусі Аляксей Швед спыніўся на значэнні творчасці беларускіх літаратараў для развіцця нацыянальнай культуры, пры тым, што беларусы толькі нядаўна адзначылі Дзень народнага адзінства, а Турцыя гэтымі днямі праводзіць па ўсёй краіне фестывалі Культурнай дарогі. Звярнуў увагу на агульную цікавасць Беларусі і Турцыі да ўзаемаўзбагачэння праз культуру.
Бібліятэцы Універсітэта Айдын былі перададзены ў дар сувенірныя выданні ад імя музеяў Янкі Купалы і Якуба Коласа.
Пасля заканчэння мерапрыемства яго ўдзельнікі пачаставаліся стравамi беларускай кухні.
Звязда, 8 кастрычніка 2022
Ссылка на текущий документ: http://belarus.kz/aktueller/3/129/66734
Текущая дата: 08.10.2024