Былы прэм`ер-міністр Японіі Сіндза Абэ памёр пасля здзейсненага на яго замаху, паведамляе мясцовае ТБ.

Раніцай на Абэ быў учынены напад. Гэта адбылося падчас вулічнага выступу палітыка ў горадзе Нары. Нападнік двойчы стрэліў у былога прэм`ера з адлегласці каля 10 метраў. Пасля другога стрэлу Абэ ўпаў. Паведамлялася, што палітык быў паранены ў шыю. Ужо ў машыне хуткай дапамогі экс-кіраўнік японскага ўрада страціў прытомнасць, яго стан стаў крытычным "з спыненнем сэрца і лёгкіх". У бальніцы яму спатрэбілася пераліванне крыві.

Па дадзеных тэлеканала NHK, 67-гадовы палітык памёр у шпіталі Медыцынскага ўніверсітэта Нары.

Паліцыя адразу затрымала стрэлка. Ім аказаўся 41-гадовы японец Тэцуя Ямагамі. Ён растлумачыў, што хацеў забіць Абэ, бо яму не падабалася палітыка і паводзіны экс-прэм`ера.

Абэ двойчы займаў пасаду кіраўніка японскага ўрада – у 2006-2007 і 2012-2020 гадах. Ён даўжэй за усіх прабыў на гэтай пасадзе ў гісторыі краіны. Пакінуць прэм`ерскую пасаду ён быў змушаны па стане здароўя.

Мінск, 8 ліпеня 2022
Sputnik