Узброеныя сілы Украіны абстралялі пасёлак Клімава ў Бранскай вобласці РФ з выкарыстаннем верталётаў і ажыццявілі не менш за шэсць авіяўдараў. 

"З выкарыстаннем двух баявых верталётаў, забяспечаных цяжкім наступальным узбраеннем, ваеннаслужачыя УСУ незаконна ўварваліся ў паветраную прастору Расійскай Федэрацыі. Рухаючыся на малой вышыні, дзейнічаючы наўмысна, яны нанеслі не менш за шэсць авіяўдараў па жылых дамах у пасёлку Клімава Клімаўскага раёна Бранскай вобласці", - гаворыцца ў паведамленні.

Следчы камітэт узбудзіў крымінальную справу па факце абстрэлу ўкраінскімі ваеннаслужачымі пасёлка ў Бранскай вобласці.

Раней паведамлялася, што УС Украіны абстралялі жылыя дамы ў пасёлку Клімава Бранскай вобласці. Сярод сямі пацярпелых - цяжарная жанчына і дзіця. У школах раёна адмянілі заняткі.

Пасёлак Клімава знаходзіцца на адлегласці амаль 10 км ад расійска-ўкраінскай граніцы, на яго тэрыторыі пражываюць каля 25 тыс. чалавек. Раён мяжуе з Чарнігаўскай вобласцю Украіны і Гомельскай вобласцю Беларусі.

14 красавіка 2022, Мінск
БЕЛТА