Кіраўнік МЗС РФ Сяргей Лаўроў заявіў, што Кіеў цягне час на перагаворах з Масквой па ўказаннях ЗША, а Расія гатова да другога раўнда.

Прэс-сакратар расійскага прэзідэнта Дзмітрый Пяскоў заявіў у сераду, што дэлегацыя з Расіі будзе 2 сакавіка ўвечары чакаць украінскую на месцы перагавораў.

Раней першы этап перагавораў паміж расійскім і ўкраінскім бакамі адбыўся ў Гомельскай вобласці на беразе Прыпяці ў рэзідэнцыі прэзідэнта, якая размешчана каля Лясковічаў.

Другі раунд мірнага ўрэгулявання павінен прайсці ў Белавежскай пушчы, аб гэтым папярэдне дамаўляліся бакі. Пры гэтым канкрэтнае месца пакуль невядома.

Лаўроў выказаў свой пункт гледжання на тое, што адбываецца.

"Мы гатовы да другога раунда перагавораў, але ўкраінскі бок зацягвае па ўказцы амерыканцаў", – сказаў Лаўроў у інтэрв’ю Al Jazeera.

Па словах міністра, народ Украіны выбірае сваю ўладу, але яна павінна прадстаўляць усе нацыянальнасці краіны. Таксама ён звярнуў увагу на тое, што прыналежнасць Крыма не абмяркоўваецца – гэта частка Расіі.

Таксама Лаўроў паведаміў, што Захад адмовіўся абмяркоўваць з РФ фармаванне новай архітэктуры еўрапейскай бяспекі.

Раней амерыканскі лідар Джо Байдэн заявіў, што альтэрнатывай увядзенню санкцый Захаду супраць Расіі з-за сітуацыі ва Украіне стаў бы пачатак "трэцяй сусветнай вайны". Лаўроў звярнуў увагу на тое, што Байдэн – чалавек дасведчаны, і раней казаў, што "альтэрнатывай вайне з’яўляюцца толькі санкцыі".

"Трэцяя сусветная вайна будзе ядзернай і разбуральнай", - дадаў ён.

Sputnik, 2 сакавіка 2022