У Нью-Ёрку за выходныя адбылася 21 перастрэлка, загінулі 26 чалавек. У цэлым у гэтым годзе колькасць інцыдэнтаў з ужываннем агнястрэльнай зброі ў мегаполісе вырасла амаль на 40% у параўнанні з тым жа перыядам 2020 га.

Па словах камісара паліцыі Дэвіда Браўна, ў Чыкага мінулыя выхадныя сталі самымі складанымі ў годзе. У перастрэлках пацярпелі 83 чалавекі, 14 з якіх памерлі. У ліку параненых дзве дзяўчынкі — пяці і шасці гадоў.

У святочныя выхадныя адбылося некалькі інцыдэнтаў з масавай стральбой, у тым ліку з удзелам дзяцей і падлеткаў. Так, у Норфолке агнястрэльныя раненні атрымалі чацвёра дзяцей ва ўзросце ад 6 да 16 гадоў. Па папярэдніх дадзеных, стральбу адкрыў 15-гадовы падлетак, яму прад’яўленыя абвінавачванні.

Колькасць злачынстваў у буйных гарадах ЗША рэзка ўзрасла, і гэтая тэндэнцыя, падобна, захаваецца ў гэтым годзе. Як раней заяўляў прэзідэнт ЗША Джозэф Байдэн, паслабленне абмежаванняў, уведзеных з-за пандэміі каранавіруса, могуць прывесці да ўсплёску злачыннасці. У сувязі з гэтым амерыканскі лідэр прапанаваў забараніць продаж штурмавой зброі, аказаць падтрымку на месцах праваахоўным органам, а таксама пашырыць праграмы па працаўладкаванню падлеткаў і маладых людзей у летні перыяд.

Звязда, 6 ліпеня 2021