Кіраўнік дзяржавы заявіў, што ў ліку ўкраінскіх байцоў, якія ўчынілі напад на Курскую вобласць, не было непрафесіяналаў. «Яны былі сабраныя з усёй лініі баявога судакранання. Гэта былі ўжо ў асноўным мінулыя па вайне людзі. Астатніх дааснасцілі, найміты, палякі і іншае і іншае, — сказаў Аляксандр Лукашэнка. — Былі сфармаваныя вельмі магутныя сілы, і яны зайшлі... Што такое граніца? Я ж служыў, ведаю, што такое граніца. Гэтыя некалькі рабят  там, ну, у вас ўзмоцненыя, дапусцім. І ўсё ж яны не маглі стрымаць такія сілы».

«Натуральна, вайскоўцы і Пуцін самі памруць, але знясуць адтуль украінскіх вайскоўцаў. Вось тады паўстае пытанне: навошта туды зайшлі? Для таго каб пахаваць самых такіх ужо падрыхтаваных байцоў? Ужо ж лепшых сабралі. А што будзе на іншых участках фронту? — паставіў пытанне кіраўнік дзяржавы. — Яны, украінцы, гэта мы дакладна ведаем, калі ідуць на фронт, яны з усімі развітваюцца. Яны разумеюць, што ідуць у адзін бок».

Аляксандр Лукашэнка падкрэсліў, што эскалацыя канфлікту можа скончыцца самым сумным чынам для ўкраінскай дзяржавы. «Калі будзе вось так, як пад Курскам, гэта будзе эскалацыя, якая скончыцца знішчэннем Украіны. Імперыю гэтую яшчэ ніхто не перамагаў і не пераможа — Расію. Якое НАТА тут справіцца? У амерыканцаў адна палітыка – Еўропу сутыкнуць з Расіяй. Няхай б’юцца. А яны потым будуць разбірацца на ўсходзе з кітайцамі», — сказаў ён.

«Я згодны з Пуціным, калі ён сказаў, што ідзе барацьба на павышэнне ставак. Што яны хочуць, калі раптам будуць перамовы, выйграць больш моцную пазіцыю. Так і Захад кажа, ва Украіне пра гэта мараць. Але паўстае іншае пытанне: у такой сітуацыі і падобных хто будзе весці перамовы? Таму ісці на павышэнне ставак свайго аўтарытэту, больш выгаднае становішча за сталом перамоваў заняць — гэта няправільна, гэта не той выпадак. Гэта класіка, але яна не падыходзіць у гэтай барацьбе з велізарнай імперыяй, якая сапраўды яшчэ не пачала па-сапраўднаму ваяваць. Дакладна » - адзначыў кіраўнік дзяржавы.

«Ва Украіне дзейнічае расейскі Добраахвотніцкі корпус, “уласаўцы", я іх называю, і беларускі добраахвотніцкі корпус, — сказаў прэзідэнт. — Яны сядзяць пад Курскам. Гэта як у Хатыні: украінцы знішчылі Хатынь у свой час. Вось так і гэтыя здраднікі, яны ўжо там на баку ўкраінцаў ваююць».

Ёсць ва Украіне яшчэ адно фармаванне з беларускіх «збеглых » – полк імя Кастуся Каліноўскага. «Гэта жулікі такія дробнага кшталту, больш палітыкі. Яны не ваякі, — сказаў Аляксандр Лукашэнка. — І больш за тое, як мы заўважылі апошнім часам, яны разбягаюцца, бо ў атамана няма залатога запасу. "Калі так далей будзе, я таксама разбягуся" — як у "Вяселлі ў Малінаўцы" (фраза з фільма. — Заўв. БелТА), яны пачалі разбягацца. Хто ў Польшчу, хто ў Чэхію. Там ужо фактычна імя толькі засталося ад гэтага палка».

Кіраўнік дзяржавы адзначыў, што Украіна трымае паблізу граніц з Беларуссю больш за 120 тыс. вайскоўцаў. «Бачачы іх агрэсіўную палітыку, мы ўвялі туды і размясцілі ў пэўных кропках-так, як гэта ў выпадку вайны, абароны было б, — нашых вайскоўцаў уздоўж усёй мяжы. Больш за тое, там працуюць спецслужбы, спецпадраздзяленні — "Альфа", "Алмаз" і іншыя — Самыя падрыхтаваныя, яны сваю працу робяць», — распавёў Аляксандр Лукашэнка

Прэзідэнт нагадаў аб дадатковым абвастрэнні абстаноўкі на мяжы ў канцы чэрвеня-пачатку ліпеня, калі вялася падрыхтоўка да парада ў Мінску на Дзень незалежнасці. Тады ў Беларусь, у тым ліку з Расіі, перамясцілася нямала лятальных апаратаў і падраздзяленні сухапутных войскаў, якія ўдзельнічалі ў парадзе.

«Ясна, што яны (ва Украіне.) бачылі перасоўванне да нас, амерыканцы ж ім усю інфармацыю даюць. І падумалі, што, як яны сказалі, "Пуцін зноў будзе наступаць з тэрыторыі Беларусі". З-пад Гомеля, як гэта было ў пачатку СВА. І яны да 120 тысяч пачалі перакідваць вайскоўцаў, — распавёў кіраўнік дзяржавы. — У адказ я вымушаны быў амаль трэць войска перакінуць дадаткова на ўзмацненне таго, што было».

Аляксандр Лукашэнка расказаў, што потым па канале камунікацыі, які існуе з украінскімі спецслужбамі, удалося абмеркаваць сітуацыю: «Мы запыталі: "вы навошта гэта робіце?" Яны нам шчыра сказалі: “Вы збіраецеся з расіянамі нас атакаваць з-пад Гомеля”. Але ў нас мэты такой не было. Яны гэтыя дадатковыя сілы, якія былі звыш 120 тысяч, адвялі. І мы тыя, якія дадаткова ўводзілі, таксама адвялі».

«А тыя падраздзяленні, якія два з паловай гады там былі ўведзеныя, яны і тады, і цяпер. І з іх боку, і з нашага боку прысутнічаюць. Гэта смерці падобна, каб мы свае войскі з граніцы з Украінай прыбралі. Вайна ідзе», — заўважыў Прэзідэнт з нагоды некаторых размоў вакол «адводу» войскаў.

Больш за тое, ужо ў жніўні Беларусь была вымушаная рэагаваць на парушэнне сваёй паветранай прасторы ўкраінскімі ўдарнымі беспілотнікамі. «Чаму мы жорстка адрэагавалі на гэта? Таму што ўжо надакучыла. Яны ўвесь час парушаюць усходнюю частку нашай граніцы, калі ляцяць у Піцер, туды далей. Некаторыя беспілотнікі, сабраныя ва Украіне, лётаюць 3 – 5 тыс. кіламетраў, даляталі ж да Татарстана. Яны чаплялі нашу мяжу. Мы іх папярэджвалі. Вядома, наша СПА гэта бачыць і адразу інфармацыю перадае расійскім супрацьпаветраным сілам».

Звязда, 18 жніўня 2024