Па дадзеных прафсаюза выкладчыкаў пачатковай школы FSU-SNUipp, у сярэднім па ўсёй Францыі ў стачках прымуць удзел 40% выкладчыцкага складу пачатковых школ. Яны чакаюць, што ў Парыжы лічбы дойдуць да 65%, а ў дэпартаментах Валь-дэ-Марн, Дром, Ардэш і Атлантычныя Пірэнеі — больш за 50%.

Выкладчыкі ўзроўню сярэдняй адукацыі, каледжаў і ліцэяў таксама ўдзельнічаюць у забастоўках. Па дадзеных агенцтва France-Presse, у Марсэлі колькасць удзельнікаў забастоўкі ўжо дасягнула 1,6 тыс. чалавек.

Акрамя ўзроўню заработнай платы ў настаўнікаў выклікаюць апасенні новаўвядзенні, аб’яўленыя экс-міністрам адукацыі Габрыэлем Аталем у снежні 2023 года. Так, з верасня 2024 года ў каледжах плануецца дзяліць вучняў на тры групы ў адпаведнасці з іх узроўнем ведаў асобна па матэматыцы і французскай мове. Аднак выкладчыкі чакаюць, што гэта створыць дадатковую нагрузку на фоне ўжо вялікай няхваткі кадраў у школьных установах.

Звязда, 1 лютага 2024