Кар’ерны самазвал беларускай вытворчасці, упрыгожаны яркімі гірляндамі, здзейсніў святочны рэйс на Кедраўскім разрэзе КК «Кузбасразрэзвугаль». На час зімовым казачным персанажам стаў гарняк Яўген Андрэеў. Ён працуе ў кампаніі шэсць гадоў, тры з якіх з’яўляецца кіроўцам кар’ернага самазвала БелАЗ.

Ужывацца ў ролю Дзеда Мароза яму дапамагае тое, што Андрэеў — бацька траіх дзяцей. Па словах мужчыны, яму вельмі падабаецца цешыць дзяцей і бачыць іх шчырыя эмоцыі і ўсмешкі.

Ужо некалькі гадоў у Андрэева ёсць хобі — у вольны ад працы час ён выконвае ролю зімовага чараўніка на дзіцячых ранішніках. «Мая жонка Наталля працуе выхавацелем у дзіцячым садку. Пяць гадоў таму яна прапанавала мне сыграць Дзеда Мароза на навагоднім ранішніку. У мяне атрымалася парадаваць дзяцей, і я стаў пастаянным удзельнікам дзіцячых навагодніх свят», — расказаў гарняк.

Звязда, 28 снежня 2023