Лідар краіны адзначыў вялікую колькасць падпісаных пагадненняў і сур’ёзнасць намераў па рэалізацыі дамоўленасцей, якая дэманструецца Беларуссю.

«Я ўжо сказаў свайму сябру, за што мы змагаемся ў гэты момант за эканамічную незалежнасць. Мы здабылі палітычную незалежнасць, але эканоміка працягвае заставацца стрымліваючым фактарам. Ёсць краіны, якія не хочуць развіцця для Афрыкі. Краіны, якія прыносяць нестабільнасць, якія прыдумляюць усялякія змены, каб скарыстацца нашымі рэсурсамі, — сказаў Тэадора Абіанг Нгема Мбасога. — Але афрыканцы прачынаюцца. Мы бачым ужо, што нас падманулі. Мы расчараваныя. І там, дзе мы мелі надзею, мы не зможам нічога атрымаць ад нашых былых каланізатараў».

У сувязі з гэтым, упэўнены Прэзідэнт Экватарыяльнай Гвінеі, неабходна мяняць сферы ўзаемадзеяння ў гэтым новым працэсе, і ў тым ліку сур’ёзным чынам працаваць з беларускім бокам. «Гэта дысцыплінаваны народ. Гэта народ, які выконвае тое, што абяцае», — падкрэсліў Прэзідэнт.

Ён заклікаў і народ сваёй краіны дзейнічаць у тым жа ключы: «Мы павінны выканаць тое, што прадастаўляецца нашай краіне. Наш менталітэт з’яўляецца часткай тормазу нашага развіцця. Таму я заклікаю суайчыннікаў ўключыцца ў гэтае супрацоўніцтва з вялікай дысцыплінай. Мы павінны гэтаму навучыцца ад нашай сяброўскай краіны».

Тэадора Абіанг Нгема Мбасога таксама адзначыў, што Беларусь з’яўляецца самадастатковай краінай, якая паспяхова супрацьстаіць выклікам і пагрозам, якія зыходзяць з боку іншых дзяржаў.

–Мы павінны разарваць нашу залежнасць, залежнасць нашай эканомікі. Мы не зможам вырасці эканамічна, калі мы будзем мець патрэбу ў імпартных прадуктах, — падкрэсліў ён.

Прэзідэнт Экватарыяльнай Гвінеі таксама звярнуў увагу, што часта замежныя кампаніі атрымліваюць у разы большы прыбытак, выкарыстоўваючы сыравіну, закупленую ў Экватарыяльнай Гвінеі і іншых краінах Афрыкі.

Прэзідэнт падзякаваў Аляксандру Лукашэнку за добрае стаўленне да Экватарыяльнай Гвінеі і заявіў пра гатоўнасць развіваць супрацоўніцтва. «Упэўнены, што гэта дасць добры вынік», — сказаў ён.

На перамовах у пашыраным складзе Тэадора Абіанг Нгема Мбасога заявіў аб рашучасці надаць імпульс стварэнню альянсу Беларусі і Экватарыяльнай Гвінеі, каб забяспечыць устойлівае развіццё і сумесна супрацьстаяць глабальным выклікам. Размова аб забеспячэнні харчовай бяспекі, а таксама барацьбе з наступствамі глабальнага змянення клімату.

–Мы вельмі ўдзячныя за супрацоўніцтва дзвюх краін. І яно заснавана на нашым жаданні, імкненні развіваць, дыверсіфікаваць і прасоўваць наша ўзаемадзеянне. Упэўнены, што наш альянс Беларусі і Экватарыяльнай Гвінеі будзе цвёрда прасоўвацца, каб выканаць нашы абавязацельствы ў рамках парадку-2030. Для нас Беларусь з’яўляецца прыярытэтам у нашай знешняй палітыцы, — падкрэсліў Прэзідэнт.

Паводле яго слоў, бакі маюць намер прасоўваць супрацоўніцтва ў эканамічным, інвестыцыйным сектары, рэалізацыі сумесных праектаў, у тым ліку ў прамысловасці, ахове здароўя, адукацыі, турызме, сельскай гаспадарцы, харчовай прамысловасці, а таксама перадачы тэхналогій.

«Таксама мы хочам умацаваць сістэму бяспекі і абароны, каб гарантаваць стабільнасць і абароназдольнасць, а таксама суверэнітэт, мір і тэрытарыяльную цэласнасць Экватарыяльнай Гвінеі», — сказаў Тэадора Абіанг Нгема Мбасога.

Звязда, 10 снежня 2023