Мытнікі Шры-Ланкі арыштавалі ў міжнародным аэрапорце Бандарнаіку грамадзяніна Кітая, які абвінавачваецца ў спробе вывезці ў багажы 200 атрутных скарпіёнаў, якіх меркавалася выкарыстоўваць для атрымання яду.
Затрыманы быў аштрафаваны на 100.000 рупій (743 долары ЗША), груз канфіскаваны, пасля чаго яму дазволілі ехаць далей. Прадстаўнік мытні не змог назваць фінансавы эквівалент гэтай кантрабанды, адзначыўшы толькі, што гандаль жывымі жывёламі стаў прыбытковай справай.
На тэрыторыі Шры-Ланкі пражывае каля васямнаццаці відаў атрутных скарпіёнаў, але толькі адзін з іх смяротны для чалавека.
Звязда, 18 студзеня 2020
Ссылка на текущий документ: http://belarus.kz/aktueller/6-/1/51352
Текущая дата: 05.05.2024