Дынаміка паказчыкаў па знешніх абавязацельствах рэзідэнтаў Беларусі сведчыць аб зніжэнні даўгавой нагрузкі на эканоміку краіны. Згодна са статыстычнымі данымі Нацыянальнага банка, валавы знешні доўг Беларусі за студзень-верасень 2023 года скараціўся на $3,1 млрд да $36,7 млрд на 1 кастрычніка.
Зніжэнне знешніх абавязацельстваў назіралася па ўсіх сектарах эканомікі.
Адносна ВУП валавы знешні доўг скараціўся з 54,4 працэнта на 1 студзеня 2023 года да 49,6 працэнта на 1 кастрычніка, што з`яўляецца мінімальным паказчыкам з 2011 года. Знешні доўг на душу насельніцтва зменшыўся з $4,3 тыс. да менш як $4 тыс. адпаведна.
Чысты знешні доўг, які ўяўляе сабой знешнія абавязацельствы за вылікам валавых знешніх актываў у форме даўгавых інструментаў, скараціўся за 9 месяцаў з 18,2 працэнта да 13,9 працэнта ВУП.
Асноўная частка знешняга доўгу Беларусі па-ранейшаму прадстаўлена доўгатэрміновымі абавязацельствамі (72,3 працэнта), што сведчыць аб невысокіх рызыках у сферы знешнедаўгавога фінансавання.
15 снежня 2023, Мінск
БЕЛТА
15 снежня 2023, Мінск
БЕЛТА
Ссылка на текущий документ: http://belarus.kz/aktueller/6-/12/71795
Текущая дата: 15.11.2024