"Мы павінны шукаць шляхі процідзеяння. І шукаць лягчэй за ўсё разам. Мы не такая вялікая і магутная дзяржава, як Расія, і, вядома, паасобку складана процістаяць гэтым санкцыям. Таму трэба шукаць абходныя шляхі процідзеяння, і імпартазамяшчэнне - гэта адзін з такіх варыянтаў. Я ведаю, што па даручэнні нашых кіраўнікоў мы вельмі цесна працуем над гэтым пытаннем", - сказаў Уладзімір Макей.

Ён адзначыў, што раней Беларусь і Расія атрымлівалі набор тэхналогій і прадукцыі на Захадзе, цяпер сітуацыя прымусіла задумацца над тым, каб самім вырабляць гэта.

"Паверце, мы ўжо даволі значна рушылі наперад у гэтай сферы. Тыя $1,5 млрд крэдыту, якія будуць накіраваны на імпартазамяшчэнне, патрэбны для таго, каб мы пачалі вырабляць прадукцыю, якая раней закуплялася на Захадзе. Напрыклад, розныя прадметы мікраэлектронікі, буйнагабарытныя падшыпнікі, святлоабсталяванне. Цяпер распрацавана каля 14 інвестыцыйных праектаў, карысных і Беларусі, і Расіі, і частка з іх ужо на стадыі рэалізацыі. Гэтыя $1,5 млрд пойдуць на тое, каб завяршыць іх", - заявіў міністр.

14 кастрычніка 2022, Мінск
БЕЛТА