2 сакавіка ў Беларускі пункт спрошчанага пропуску «Паддабранка» прыйшла цяжарная жанчына ў суправаджэнні сваякоў. «Жыхарка ўкраінскага памежжа распавяла, што яна на познім тэрміне цяжарнасці і мае патрэбу ў медыцынскай дапамозе. Жанчына таксама патлумачыла, што баіцца за сябе і жыццё будучага дзіцяці, таму вырашыла нараджаць у Беларусі», — адзначылі ў ДПК.

Беларускія памежнікі выклікалі брыгаду хуткай дапамогі. Медыкі даставілі грамадзянку Украіны ў Гомельскую абласную бальніцу.

Як паведамлялася раней, 1 сакавіка ў гэтым жа пункце пропуску ўкраінская сям’я з хворым дзіцем звярнулася да беларускага боку па медыцынскую дапамогу для сына.

Звязда, 2 сакавіка 2022