«Мы прасачылі за актыўнасцю генаў на ўзроўні адзіночных клетак зародка хатніх катоў. Дзякуючы гэтаму мы вызначылі механізм, па якім утвараюцца плямы і палоскі на шкуры жывёл. Цэнтральную ролю ў гэтым працэсе адыгрывае ген Dkk 4, мутацыі ў якім прыводзяць да таго, што шкура кошкі набывае характэрную „занальную“ афарбоўку», — пішуць даследнікі.

Брытанскі матэматык Алан Т’юрынг ў сярэдзіне мінулага стагоддзя выказаў здагадку, што палоскі і плямы на шкуры жывёл узнікаюць у эмбрыёне ў выніку ўзаемадзеянняў двух сігнальных малекул, якія з рознай хуткасцю распаўсюджваюцца па ўсім эмбрыёне. Падобным чынам фармуюцца і іншыя структуры, напрыклад пальцы на руках і нагах чалавека.

Нягледзячы на бачную прастату гэтага працэсу, генетыкі пацвердзілі гіпотэзу Цьюрынга адносна нядаўна. Да прыкладу, у 2012 годзе Малекулярныя біёлагі пад кіраўніцтвам прафесара Стэнфардскага ўніверсітэта Грэгары Барша высветлілі, што мутацыі ў гене Taqpep адказваюць за тое, які тып узораў — палоскі або плямы — з’явяцца на шкуры леапардаў і звычайных хатніх катоў.

Звязда, 13 верасня 2021