Фінскія навукоўцы Цэнтра тэхнічных даследаванняў навучыліся вырошчваць каву ў лабараторыі з раслінных клетак. Альтэрнатыўны спосаб вытворчасці гэтага прадукту неабходны на фоне высокага попыту і экалагічных праблем, паведамляе выданне Fast Company.
У прыватнасці, у В’етнаме скарачаюцца плошчы лясоў, а Калумбія пакутуе з-за гарачага надвор’я.
Экспертам атрымалася культываваць у пажыўным растворы раслінныя клеткі — высушаная і абсмаленая біямаса стала падобная на кававую гушчу, якая па сваім гусце і паху не адрознівалася ад звычайнай кавы. Пры гэтым, трохі змяніўшы працэс, можна атрымаць больш ці менш кафеіну або араматызатараў.
Працэс такой вытворчасці лёгка маштабаваць — лабараторыя ў далейшым плануе супрацоўнічаць з кампаніямі, якія могуць перавесці новы прадукт на камерцыйную аснову.
Звязда, 19 верасня 2021
Ссылка на текущий документ: http://belarus.kz/aktueller/6-/50/60594
Текущая дата: 17.11.2024