Гэта мера звязана з правядзеннем у Польшчы двух буйных форумаў - саміту НАТА ў Варшаве і Сусветных дзён моладзі пры ўдзеле Папы Рымскага, якія павінны адбыцца ў Кракаве ў ліпені.

На працягу ўсяго гэтага часу пагранічнікі будуць кантраляваць граніцу з Германіяй, Славакіяй, Чэхіяй і Літвой. Асаблівая ўвага будзе ўдзелена бяспецы ў аэрапортах і партах.

Як заяўляюць у МУС, увядзенне кантролю на граніцах неабходна, каб прадухіліць уезд на тэрыторыю Польшчы асоб, якія могуць парушыць грамадскі парадак і ўяўляць пагрозу бяспецы.

26 красавіка 2016, Мінск
БЕЛТА