Заказнік агульнай плошчай 1 170,59 га размешчаны ў Пастаўскім раёне Віцебскай вобласці. Ён ствараецца для захавання ў прыродным стане ўнікальнага прыроднага ландшафтна-азёрнага комплексу, дзікарослых раслін і дзікіх жывёл, уключаных у Чырвоную кнігу, а таксама мясцін, якія яны насяляюць.

Абсталяваныя зоны і месцы адпачынку, турыстычныя і транспартныя стаянкі будуць абазначаны інфармацыйнымі знакамі.

На тэрыторыі заказніка "Споры" будзе дзейнічаць шэраг забарон. Напрыклад, не дазваляюцца работы па гідратэхнічнай меліярацыі, работы, звязаныя са змяненнем існуючага гідралагічнага рэжыму, разведка і распрацоўка радовішчаў карысных выкапняў, за выключэннем радовішча сапрапеню на возеры Вальверава, размяшчэнне адходаў, выпальванне сухой расліннасці.

Пастаўскаму райвыканкаму ў шасцімесячны тэрмін даручана зарэгістраваць заказнік і ўстанавіць на яго межах спецыяльныя інфармацыйныя знакі.

Пастанова ўступае ў сілу пасля яе афіцыйнага апублікавання.

9 кастрычніка 2015, Мінск
БЕЛТА