Пытанні правядзення сумеснай беларуска-кітайскай антытэрарыстычнай трэніроўкі абмеркавалі 17 красавіка ў Маскве міністры абароны дзвюх краін генерал-маёр Андрэй Раўкоў і генерал-палкоўнік Чан Ваньцюань.
Як паведамляе прэс-служба Мінабароны Беларусі, сустрэча адбылася ў межах IV Маскоўскай штогадовай канферэнцыі па міжнароднай бяспецы.
Кіраўнік абароннага ведамства Беларусі выказаў падзяку кітайскаму калегу за бязвыплатную ваенную дапамогу, аказаную для патрэб беларускай арміі. Удзельнікі сустрэчы абмеркавалі стан і перспектывы двухбаковага ваеннага супрацоўніцтва, арганізацыю навучання ваеннаслужачых у навучальных установах Беларусі і Кітая, абмен вопытам на ўзроўні экспертаў.
Напярэдадні адбылася сустрэча Андрэя Раўкова з міністрам абароны Сербіі Браціславам Гашычам. Абмяркоўваліся бягучы стан і перспектывы развіцця двухбаковага ваеннага і ваенна-тэхнічнага супрацоўніцтва.
Вячаслаў Будкевіч, БелаПАН
Мінск, 17 красавіка 2015
Мінск, 17 красавіка 2015
Ссылка на текущий документ: http://belarus.kz/aktueller/6-0/158/30578
Текущая дата: 26.12.2024