Аб гэтым паведаміў на сустрэчы ў бундэстагу з беларускай дэлегацыяй на чале са старшынёй грамадскай арганізацыі "Пародненыя гарады" Барысам Батурам дэпутат Марцін Патцэльт.
Марцін Патцэльт расказаў, што новым складам дэпутатаў бундэстага пакуль не сфарміраваны міжнародныя групы па развіцці супрацоўніцтва з рознымі краінамі, але гэта работа пачалася. "Утварылася група дэлегатаў, якія хочуць арганізаваць групу дружбы з Беларуссю, і я маю намер таксама прыняць удзел у яе рабоце, улічваючы мой добры вопыт супрацоўніцтва з Віцебскам", - адзначыў Марцін Патцэльт, які да выбараў у бундэстаг быў обербургамістрам Франкфурта-на-Одэры і развіваў пабрацімскія сувязі з Віцебскам. Дарэчы, менавіта ў Франкфурце-на-Одэры пройдуць асноўныя мерапрыемствы восьмай беларуска-германскай сустрэчы гарадоў-пабрацімаў і партнёраў, для ўдзелу ў якой і прыбыла беларуская дэлегацыя.
"Пакуль не магу сказаць дакладна, колькі дэпутатаў будзе ў складзе дружбы з Беларуссю і хто яе ўзначаліць. Думаю, што яна будзе створана ўжо ў бліжэйшы час", - удакладніў дэпутат.
Работа парламенцкай групы дружбы з Беларуссю ў германскім бундэстагу будзе накіравана на інтэнсіфікацыю двухбаковых сувязей. "Я маю намер падтрымліваць і развіваць актыўныя кантакты з Беларуссю, у тым ліку і ў групе дружбы з Беларуссю, паколькі гэта вельмі значна, - сказаў Марцін Патцэльт. - Бачу задачу ў тым, каб падтрымліваць дыялог, паколькі абмен меркаваннямі з Беларуссю вельмі важны ў Еўропе".
Сустрэча ў бундэстагу стала першым мерапрыемствам у праграме восьмай беларуска-германскай сустрэчы гарадоў-пабрацімаў і партнёраў. Яе пленарнае пасяджэнне, пасяджэнні рабочых груп і перагаворы праходзяць 4-6 красавіка ў Франкфурце-на-Одэры.
Гэты маштабны форум пасля чатырохгадовага перапынку арганізаваны БГА "Пародненыя гарады" сумесна з германскімі партнёрамі - адміністрацыяй Франкфурта-на-Одэры, фондам "Сустрэчы Захад-Усход", федэральным аб`яднаннем таварыстваў "Захад-Усход" і пасольствам Беларусі ў ФРГ. З беларускага боку ў мерапрыемстве ўдзельнічае прадстаўнічая дэлегацыя, у склад якой уваходзяць прадстаўнікі амаль 20 беларускіх раёнаў і гарадоў, якія маюць пабрацімскія і партнёрскія сувязі з германскімі гарадамі і рэгіёнамі. Асноўная мэта гэтай сустрэчы - развіццё двухбаковых рэгіянальных сувязей, прасоўванне беларускай прадукцыі на германскі рынак, устанаўленне новых партнёрскіх сувязей і вызначэнне перспектыў развіцця гандлёва-эканамічнага і гуманітарнага супрацоўніцтва паміж Беларуссю і Германіяй.
4 красавіка 2014, Берлін
Аліна Грышкевіч - БЕЛТА
"Пакуль не магу сказаць дакладна, колькі дэпутатаў будзе ў складзе дружбы з Беларуссю і хто яе ўзначаліць. Думаю, што яна будзе створана ўжо ў бліжэйшы час", - удакладніў дэпутат.
Работа парламенцкай групы дружбы з Беларуссю ў германскім бундэстагу будзе накіравана на інтэнсіфікацыю двухбаковых сувязей. "Я маю намер падтрымліваць і развіваць актыўныя кантакты з Беларуссю, у тым ліку і ў групе дружбы з Беларуссю, паколькі гэта вельмі значна, - сказаў Марцін Патцэльт. - Бачу задачу ў тым, каб падтрымліваць дыялог, паколькі абмен меркаваннямі з Беларуссю вельмі важны ў Еўропе".
Сустрэча ў бундэстагу стала першым мерапрыемствам у праграме восьмай беларуска-германскай сустрэчы гарадоў-пабрацімаў і партнёраў. Яе пленарнае пасяджэнне, пасяджэнні рабочых груп і перагаворы праходзяць 4-6 красавіка ў Франкфурце-на-Одэры.
Гэты маштабны форум пасля чатырохгадовага перапынку арганізаваны БГА "Пародненыя гарады" сумесна з германскімі партнёрамі - адміністрацыяй Франкфурта-на-Одэры, фондам "Сустрэчы Захад-Усход", федэральным аб`яднаннем таварыстваў "Захад-Усход" і пасольствам Беларусі ў ФРГ. З беларускага боку ў мерапрыемстве ўдзельнічае прадстаўнічая дэлегацыя, у склад якой уваходзяць прадстаўнікі амаль 20 беларускіх раёнаў і гарадоў, якія маюць пабрацімскія і партнёрскія сувязі з германскімі гарадамі і рэгіёнамі. Асноўная мэта гэтай сустрэчы - развіццё двухбаковых рэгіянальных сувязей, прасоўванне беларускай прадукцыі на германскі рынак, устанаўленне новых партнёрскіх сувязей і вызначэнне перспектыў развіцця гандлёва-эканамічнага і гуманітарнага супрацоўніцтва паміж Беларуссю і Германіяй.
4 красавіка 2014, Берлін
Аліна Грышкевіч - БЕЛТА
Ссылка на текущий документ: http://belarus.kz/aktueller/6-0/176/25629
Текущая дата: 27.12.2024