«У Беларусі з глыбокім болем і смуткам успрынялі жудасную вестку аб надзвычайным здарэнні ў адной са школ Бялграда, у выніку якога загінулі дзеці і прадстаўнік школьнай адміністрацыі, — гаворыцца ў спачуванні. — Асабліва шакуе бязлітаснасць і бессэнсоўнасць учыненага злачынства, якое нечакана абарвала лёсы тых, чый жыццёвы шлях толькі пачынаўся».

Ад імя беларускага народа і сябе асабіста кіраўнік дзяржавы выказаў шчырыя спачуванні і адрасаваў словы падтрымкі родным і блізкім загінуўшых, а таксама пажадаў хутчэйшага выздараўлення ўсім пацярпелым.

Звязда, 3 траўня 2023