24 чэрвеня ў Бруселі адбыліся перамовы лідара руху "За Свабоду" Аляксандра Мілінкевіча з Еўракамісарам па пытаннях пашырэння і палітыкі добрасуседства Штэфанам Фюле і намеснікам генеральнага сакратара Еўрапейскай службы знешнепалітычнай дзейнасці Хельгай Шміт.
Як паведамляе прэс-служба руху "За Свабоду", "падчас сустрэч размова ішла аб тым, што кантакты ЕС з беларускімі ўладамі магчымыя толькі пасля вызвалення і поўнай рэабілітацыі палітзняволеных". "Суразмоўцы адзначылі, што далейшы дыялог павінен адбывацца пры ўмове станоўчых крокаў афіцыйнага Мінска згодна з "дарожнай картай". "Гэта павінны быць канкрэтныя меры па эканамічнай лібералізацыі і грамадска-палітычнай дэмакратызацыі", — гаворыцца ў паведамленні прэс-службы.
Удзельнікі перамоў таксама згадзіліся з тым, што дэмакратычным дзяржавам неабходна праводзіць адзіную палітыку адносна ўладаў Беларусі і што беларускай дэмакратычнай грамадскасці неабходна выпрацаваць сумесную пазіцыю. "У Беларусі не будзе шансаў захаваць незалежнасць і пабудаваць дэмакратыю без унутранага дыялогу ў краіне", — гаворыцца ў паведамленні.
Акрамя таго, Мілінкевіч "падкрэсліў неабходнасць еўрапеізацыі Беларусі праз адукацыйныя, інфармацыйныя праекты і праграмы абмену", адзначаюць у прэс-службе руху "За Свабоду".
Антон Тарас, БелаПАН
Мінск, 24 чэрвеня 2011
Удзельнікі перамоў таксама згадзіліся з тым, што дэмакратычным дзяржавам неабходна праводзіць адзіную палітыку адносна ўладаў Беларусі і што беларускай дэмакратычнай грамадскасці неабходна выпрацаваць сумесную пазіцыю. "У Беларусі не будзе шансаў захаваць незалежнасць і пабудаваць дэмакратыю без унутранага дыялогу ў краіне", — гаворыцца ў паведамленні.
Акрамя таго, Мілінкевіч "падкрэсліў неабходнасць еўрапеізацыі Беларусі праз адукацыйныя, інфармацыйныя праекты і праграмы абмену", адзначаюць у прэс-службе руху "За Свабоду".
Антон Тарас, БелаПАН
Мінск, 24 чэрвеня 2011
Ссылка на текущий документ: http://belarus.kz/aktueller/6-0/267/7493
Текущая дата: 21.09.2024