У некалькіх гарадох Емэну сёньня тысячы людзей выйшлі на антыўрадавыя дэманстрацыі з патрабаваньнем адстаўкі прэзыдэнта Алі Абдалы Салеха. У гэты ж самы дзень у сталіцы краіны Сане адбылася маніфэстацыя прыхільнікаў прэзыдэнта. У Емэне ад студзеня працягваюцца масавыя народныя выступы, у часе якіх загінулі дзясяткі чалавек.
Напярэдадні Катар адмовіўся ад падтрымкі пляну Рады супрацоўніцтва краінаў Пэрсыдзкай затокі ва ўрэгуляваньні сытуацыі ў Емэне, які прадугледжваў перадачу Салехам улады віцэ-прэзыдэнту з наступным правядзеньнем выбараў. Прэзыдэнт Емэну спачатку пагадзіўся, а пасьля адмовіўся падпісваць пагадненьне з апазыцыяй.
Радыё Свабода
13 траўня 2011
Радыё Свабода
13 траўня 2011
Ссылка на текущий документ: http://belarus.kz/aktueller/6-0/280/6408
Текущая дата: 17.05.2024