Размешчаная ў 325 светлавых гадах ад зямлі ў сузор’і Цэнтаўра двухзоркавая β Cen AB, таксама вядомая як HIP 71865, мае масу як мінімум у шэсць разоў больш Сонца, што робіць яе самай вялікай сістэмай, у якой пацверджана наяўнасць планеты. Да гэтага часу ў зорак, больш чым у тры разы масіўней сонца, не траплялася ніводнага нябеснага цела.

Планету, якую назвалі β Cen (AB) β, навукоўцы назіралі з сакавіка 2019 года па красавік 2021-га з дапамогай сістэмы адаптыўнай оптыкі SPHERE, усталяванай на вельмі вялікім тэлескопе (VLT) Еўрапейскай паўднёвай абсерваторыі (ESO) у Чылі.

Даследнікі высветлілі, што β Cen (AB) β круціцца вакол зорак двайной сістэмы на адлегласці ў 560 разоў больш, чым паміж Зямлёй і сонцам, гэта значыць яе арбіта ў сто разоў шырэй, чым у Юпітэра. Пры гэтым суадносіны мас планеты і зорнай сістэмы, вакол якой яна рухаецца, прыкладна аналагічна таму, што паміж Юпітэрам і сонцам.

Грунтуючыся на месцазнаходжанні нябеснага цела і характарыстыках яго арбіты, аўтары вызначылі, што β Cen (AB) β хутка сфармавалася паблізу яе цяперашняга размяшчэння з шчыльнага згустку ўнутры дыска матэрыі, які верціцца вакол β Cen AB.

Астраномы адзначаюць, што адкрыццё гіганта змяняе разуменне аб заканамернасцях утварэння планет у Млечным Шляху. Атрыманыя дадзеныя дэманструюць, што нябесныя целы могуць знаходзіцца ў значна больш буйных зорных сістэмах, чым меркавалі раней.

Звязда, 10 снежня 2021