У экспазіцыі прадставяць больш за 30 мапаў, выкананых на акварэльнай паперы з выкарыстаннем лічбавых тэхналогій, што дазваляе максімальна дакладна прайграць іх аўтэнтычнасць і зрабіць практычна неадрознымі ад арыгінала.

На выставе будуць паказаны геаграфічныя мапы Вялікага Княства Літоўскага, Рэчы Паспалітай, Еўропы і свету. Старажытныя геаграфічныя мапы ўяўляюць сабой унікальныя гістарычныя артэфакты.

"У іх, як і на карцінах вялікіх мастакоў або ў архітэктурных шэдэўрах, мы бачым матэрыяльны злепак мінулага, час можа спыніцца. Копіі геаграфічных мапаў, па сутнасці, трансфармуюць у сваім візуальным вобразе ўвесь жыццёвы досвед іх стваральнікаў, - адзначылі арганізатары. - Сваімі рукамі сярэднявечныя картографы і мастакі стварылі для нас не проста геаграфічныя мапы, а своеасаблівыя парталы для перамяшчэння, візуальную машыну часу, якая пераносіць нас у мінулае".

Праект "Беларусь на старадаўніх геаграфічных мапах" будзе працаваць па 9 ліпеня.

Арганізатарамі выставы выступаюць Нацыянальны гістарычны музей, таварыства "Беларуская філасофская прастора", Лятучы ўніверсітэт, выдавецкі цэнтр "Эканомпрэс".

Звязда, 15 червеня 2019