Як паведамляе Міністэрства аховы здароўя, па стане на 29 кастрычніка ў Беларусі зарэгістраваны 96 529 чалавек са станоўчым вынікам тэста на COVID-19.
Прырост за суткі склаў 984 выпадкі. Усяго праведзена 2 444 162 тэсты на каранавірус.
85 332 чалавекі больш не хварэюць.
Памерлі 973 пацыенты з шэрагам хранічных хвароб з выяўленай каранавіруснай інфекцыяй.
Пра новы тып каранавіруса 2019-nCoV стала вядома ў канцы снежня 2019 года, калі кітайскія ўлады паведамілі пра выбух пнеўманіі невядомага паходжання ў горадзе Ухань.
Сусветная арганізацыя аховы здароўя 11 сакавіка абвясціла ўспышку новай каранавіруснай інфекцыі COVID-19 пандэміяй.
Па апошніх дадзеных універсітэта Джонса Хопкінса, колькасць заражаных у свеце — больш за 44 млн чалавек, пры гэтым больш за 1,1 млн чалавек памерлі. Лідарамі па колькасці пацверджаных выпадкаў застаюцца ЗША — больш за 8,7 млн заражаных, Індыя — больш за 7,9 млн, Бразілія — больш за 5,4 млн.
У Беларусі першы завазны выпадак каранавіруса быў зарэгістраваны 27 лютага ў іранскага студэнта БНТУ.
Звязда, 29 кастрычніка 2020
Ссылка на текущий документ: http://belarus.kz/aktueller/6-1/1/56627
Текущая дата: 19.04.2024