Белорусский портал в Казахстане

У КДБ Беларусі адзначылі ўстаноўленыя шырокія кантакты з краінамі Захаду ў сферы барацьбы з тэрарызмам



Аб гэтым заявіў начальнік следчага ўпраўлення КДБ Канстанцін Бычак.

"Мы змаглі ўстанавіць шырокія кантакты з нашымі партнёрамі з замежных краін, такіх як ЗША, Вялікабрытанія, Францыя, падтрымаць кантакты з нашымі калегамі з Аб`яднаных Арабскіх Эміратаў, намеціць сумесныя напрамкі далейшага супрацоўніцтва ў справе процідзеяння злачынствам у сферы экстрэмізму і міжнароднага тэрарызму", - сказаў Канстанцін Бычак, каменціруючы праведзены ў ААЭ міжнародны форум.

Як адзначылі ў эфіры, на форуме сустрэліся прадстаўнікі сілавых структур з 15 краін - ад ЗША і Вялікабрытаніі да Аўстраліі і Францыі. Форум быў прысвечаны праблемам тэрарызму і экстрэмізму. Кожная краіна прадстаўляла свае паспяховыя практыкі ў барацьбе з гэтым злом. Беларускі даклад зацікавіў замежных калег, і яны нават папрасілі матэрыялы спраў, звязаных з асобамі, якія знаходзяцца на іх тэрыторыі.

5 лютага 2024, Мінск
БЕЛТА

Ссылка на текущий документ: http://belarus.kz/aktueller/6-1/1/72453
Текущая дата: 31.05.2024