Гэты дзень з`яўляецца трыццаць сёмым па грыгарыянскім календары, таму да канца года засталося 329 дзён.
Сёння адзначаецца Міжнародны дзень бармэна. Якія яшчэ падзеі адбыліся 6 лютага і чым адзначаны гэты дзень у народным календары, чытайце далей:
Гістарычныя падзеі 6 лютага
У 1891 годзе ў доме мінскага губернатара ўстаноўлены першы ў горадзе тэлефон.
У 1921 годзе выйшаў дэкрэт, якi надаў беларускай, яўрэйскай (iдыш), польскай i рускай мовам статус дзяржаўных у БССР.
Хто нарадзіўся 6 лютага
1914 год: Аркадзь Куляшоў, беларускі паэт.
1928 год: Уладзімір Стальмашонак, беларускі мастак.
Таксама сёння нарадзіліся 40-ы прэзідэнт ЗША Рональд Рэйган і ямайскі музыкант і кампазітар Боб Марлі.
6 лютага ў народным календары
Сёння праваслаўныя вернікі шануюць памяць вялебнай Ксеніі Пецярбургскай, якую ў народзе называлі Аксінняй. У народзе гэты дзень атрымаў эпітэт Паўзімніца, таму што яго звязваюць з пераломам зімы: азімае зерне праляжала ўжо палову часу да ўзыходу. Таксама Ксенію называлі Паўхлебніцай, таму што да гэтага дня з`ядалі палову нарыхтаванага да наступнага ўраджаю.
Сяляне ў гэты дзень спрабавалі даведацца пра цэны на хлеб. Для гэтага ўвечары ўзважвалі хлеб, тое ж самае рабілі раніцай. Калі вага павялічылася, цэны таксама павялічаццца, а калі ўпала, то і цэны будуць менш.
Таксама калі на Аксінню завіруха, лічылася, што прыпасаў не хопіць да новага ўраджаю.
Sputnik, 6 лютага 2024
Ссылка на текущий документ: http://belarus.kz/aktueller/6-1/1/72467
Текущая дата: 08.09.2024