З пачатку бягучага года ў сталіцы В’етнама Ханоі зафіксавана 513 выпадкаў ліхаманкі дэнге, што ў тры разы перавышае паказчыкі за аналагічны леташні перыяд. Пра гэта паведамляе партал Vietnam News.
Па словах выдання, у апошнія тыдні адзначаецца павелічэнне выпадкаў ліхаманкі дэнге ў горадзе, сярэдняя колькасць захварэлых на тыдзень складае ад 17 да 24 чалавек. Асабліва высокая захворванне назіраецца ў раёнах Донг Так, Ха Донг, Хаанг Май, Хай Ба Чунг, Бак Ту Ліем, Чуонг Мі і Тхань Суан.
У адказ на гэтую трывожную сітуацыю дэпартамент аховы здароўя Ханоя распрацаваў план на бягучы год, накіраваны на барацьбу з распаўсюджваннем хваробы. План падкрэслівае неабходнасць прыняцця праактыўных мер у кожным раёне і муніцыпалітэце з улікам усіх фактараў, а таксама стратэгічнае размяшчэнне навучанага персаналу і дадатковых рэсурсаў для эфектыўнага процідзеяння ўспышкам захворвання. Паводле дадзеных міністэрства аховы здароўя В’етнама, у 2023 годзе ў Ханоі было зарэгістравана 36795 выпадкаў ліхаманкі дэнге.
Звязда, 19 сакавіка 2024
Ссылка на текущий документ: http://belarus.kz/aktueller/6-1/1/73179
Текущая дата: 12.05.2024