У дакладзе JAMSTEC гаворыцца, што плошча ледзянога покрыва Антарктыды ў цяперашні час складае каля 12 мільёнаў квадратных кіламетраў. Па дадзеных навукоўцаў, льды пачалі скарачацца з 2016 года. Гэты працэс даследчыкі звязваюць з павышэннем тэмпературы на планеце.

Спецыялісты JAMSTEC правялі камп’ютэрнае мадэляванне і вывучылі розныя сцэнарыі змены ледзянога покрыва Антарктыкі пад уздзеяннем канцэнтрацыі вуглякіслага газу і метану ў атмасферы. Пры захаванні бягучых аб’ёмаў выкідаў ўтрыманне вуглекіслаты да 2100 года павялічыцца ў паўтара раза ў параўнанні з цяперашнім узроўнем. З-за гэтага плошча лёду можа зменшыцца на чвэрць.

Аднак, на думку навукоўцаў, скарачэнне ледзянога покрыва можна спыніць, калі да 2040 года будуць прыняты эфектыўныя меры па абмежаванні выкідаў парніковых газаў у атмасферу. У гэтым выпадку тэмпы раставання льдоў замарудзяцца, і ў перспектыве плошча ледзянога покрыва стабілізуецца.

Звязда, 21 снежня 2024