26—27 лістапада на тэрыторыі КНР праводзіцца сумесная беларуска-кітайская антытэрарыстычная трэніроўка "Імклівы арол — 2012", у ходзе якой адпрацоўваюцца пытанні сумесных антытэрарыстычных дзеянняў у прыгранічным раёне.

Ад Узброеных сіл Беларусі ў трэніроўцы ўдзельнічаюць прадстаўнікі сіл спецыяльных аперацый.

Вучэнні плануецца правесці ў некалькі этапаў. На падрыхтоўчым этапе пройдуць заняткі па агнявой падрыхтоўцы. Беларускія ваеннаслужачыя вывучаць кітайскую стралковую зброю, яе падрыхтоўку да прымянення і правілы стральбы. Таксама ў ходзе гэтага этапу пройдуць мерапрыемствы па горнай, паветрана-дэсантнай падрыхтоўцы і беспарашутным дэсантаванні.

На першым этапе будзе адпрацавана пытанне падрыхтоўкі да сумеснага прымянення падраздзяленняў.

У ходзе другога этапу будуць адпрацаваны элементы вырушэння ў раён выканання пастаўленых задач, пошук і разведка, дэсантаванне парашутным і беспарашутным спосабамі, наземны штурм, вызваленне заложнікаў, пераслед і знішчэнне тэрарыстаў, якія вырваліся.

У перыяд правядзення сумеснай трэніроўкі прадугледжваецца пачарговае кіраванне практычнымі дзеяннямі падраздзяленняў беларускімі і кітайскімі камандзірамі.

Вячаслаў Будкевіч, БелаПАН
Мінск, 26 лістапада 2012

Ссылка на текущий документ: http://belarus.kz/aktueller/6-1/102/17929

Текущая дата: 25.12.2024