Як паведаміла прэс-служба ведамства, такое рашэнне прынята на падставе рашэння Камісіі Мытнага саюза № 747 ад 16 жніўня 2011 года і ў сувязі з уваходжаннем Расіі ў СГА.

У прыватнасці, адмяняецца ліцэнзаванне імпарту алкагольнай прадукцыі ў сасудах ёмістасцю больш чым 2 літры, якая ўвозіцца на тэрыторыю Беларусі юрыдычнымі асобамі, што з`яўляюцца перапрацоўшчыкамі такой прадукцыі.

Таксама адмяняецца ліцэнзаванне імпарту сумесей духмяных рэчываў і сумесей (уключаючы спіртавыя растворы) на аснове аднаго або больш такіх рэчываў, якія выкарыстоўваюцца ў якасці прамысловай сыравіны, іншых прэпаратаў на аснове духмяных рэчываў, якія выкарыстоўваюцца для вытворчасці напояў, з аб`ёмай долей этылавага спірту 7 і больш працэнтаў, увозімых на тэрыторыю Беларусі юрыдычнымі асобамі, якія выкарыстоўваюць названыя сумесі для вытворчасці напояў і (або) іншай харчовай прадукцыі, калі гэта прадугледжана тэхнічнымі нарматыўнымі прававымі актамі ў галіне тэхнічнага нарміравання і стандартызацыі і тэхналагічнай дакументацыяй.

Акрамя таго, адмяняецца ліцэнзаванне алкагольнай прадукцыі, на якую ў адпаведнасці з дэкрэтам прэзідэнта Беларусі № 3 ад 29 лютага 2008 года не распаўсюджваецца выключнае права дзяржавы і ўвоз якой ажыццяўляецца ў адпаведнасці з пералікам алкагольных напояў, які штогод устанаўліваецца і зацвярджаецца пастановай Міністэрства гандлю. На 2012 год пералік зацверджаны пастановай № 1 ад 3 студзеня 2012 года.

Выдача выключных ліцэнзій на ўвоз алкагольнай прадукцыі ажыццяўляецца ў ранейшым парадку.

Марына Носава, БелаПАН
Мінск, 23 жніўня 2012

Ссылка на текущий документ: http://belarus.kz/aktueller/6-1/108/16046

Текущая дата: 26.12.2024