Пра гэта паведаміла старшыня беларускага Цэнтрвыбаркама Лідзія Ярмошына.
Ацэначная місія Бюро па дэмакратычных інстытутах і правах чалавека (БДІПЧ) АБСЕ па назіранні за выбарамі прыбывае ў Беларусь 16 ліпеня.
"Сёння ў абед місія прыбывае ў Мінск, вечарам у мяне запланаваная з імі сустрэча", — сказала Лідзія Ярмошына.
Паводле слоў Ярмошынай, у склад ацэначнай місіі ўваходзяць эксперты. "Яны ацэняць, які, на іх думку, неабходны колькасны склад місіі назіральнікаў за выбарамі ў Беларусі. Затым рашэнне аб колькасці місіі будзе прымацца кіраўніцтвам АБСЕ", — паведаміла яна.
У Беларусі ацэначная місія будзе знаходзіцца з 16 па 18 ліпеня.
Трэба адзначыць, што кіраўнікі ЦВК Беларусі крытычна ацэньваюць работу назіральнікаў АБСЕ.
Так, на пасяджэнні Цэнтрвыбаркама 19 чэрвеня Ярмошына папракнула АБСЕ ў тым, што выніковыя справаздачы па назіранні за выбарамі "пішуцца не самімі назіральнікамі, а чыноўнікамі, якія ажыццяўляюць гэтыя функцыі ў кабінетах".
А сакратар ЦВК Мікалай Лазавік на прэс-канферэнцыі 11 ліпеня заявіў: "Можаце мяне запісаць у апазіцыянеры, але я ўнутрана не згодны з запрашэннем місіі назіральнікаў ад АБСЕ".
Паводле слоў Лазавіка, ён "зняверыўся ў аб`ектыўнасці заключэнняў місіі АБСЕ". "Прэзідэнцкія выбары 2010 года былі высока ацэненыя практычна ўсімі назіральнікамі. У папярэдняй справаздачы БДІПЧ АБСЕ нават было напісана, што працэс галасавання праходзіць добра. Але затым усе станоўчыя моманты былі выкінутыя, а пакінуты толькі негатыў. Еўрачыноўнікі сфальсіфікавалі вынікі назірання, замяніўшы іх палітызаванымі ацэнкамі. Яны ацэньвалі не вынікі выбараў, а далі палітычную ацэнку мерапрыемству "Плошча", — сказаў сакратар ЦВК.
У той жа час ён падкрэсліў, што будзе выконваць сваю работу па забеспячэнні зручнай працы назіральнікаў, у тым ліку ад АБСЕ. "Недахопу ў місіях не будзе", — запэўніў сакратар ЦВК.
Каментуючы гэтыя папрокі, прадстаўнік БДІПЧ АБСЕ Томас Раймер 22 чэрвеня адзначыў: "Для ацэнкі выбарчых працэсаў у Беларусі і іншых краінах АБСЕ выкарыстоўвае аднолькавую метадалогію. БДІПЧ АБСЕ мае мандат на назіранне за выбарчымі працэсамі і іх ацэнку ў краінах АБСЕ ў адпаведнасці з абавязацельствамі АБСЕ і іншымі міжнароднымі стандартамі дэмакратычных выбараў".
"АБСЕ засноўвае свае ацэнкі толькі на непасрэдных назіраннях сваіх назіральнікаў, — сказаў Раймер. — У адпаведнасці з абавязацельствам па забеспячэнні празрыстасці работы АБСЕ прадстаўляе свае ацэнкі і высновы ў публічных справаздачах: выніковых справаздачах, заявах аб папярэдніх адкрыццях і высновах, а таксама прамежкавых справаздачах. Усе яны даступныя на сайце АБСЕ".
Парламенцкія выбары ў Беларусі пройдуць 23 верасня.
6 ліпеня МЗС Беларусі накіравала запрашэнні для ўдзелу ў назіранні за парламенцкімі выбарамі ў адрас БДІПЧ АБСЕ, Выканкама СНД, Парламенцкага сходу Саюза Беларусі і Расіі, Міжпарламенцкай асамблеі СНД, Міжпарламенцкай асамблеі ЕўрАзЭС, Парламенцкай асамблеі АДКБ і Парламенцкай асамблеі АБСЕ.
Сяргей Каралевіч, БелаПАН
Мінск, 16 ліпеня 2012
"Сёння ў абед місія прыбывае ў Мінск, вечарам у мяне запланаваная з імі сустрэча", — сказала Лідзія Ярмошына.
Паводле слоў Ярмошынай, у склад ацэначнай місіі ўваходзяць эксперты. "Яны ацэняць, які, на іх думку, неабходны колькасны склад місіі назіральнікаў за выбарамі ў Беларусі. Затым рашэнне аб колькасці місіі будзе прымацца кіраўніцтвам АБСЕ", — паведаміла яна.
У Беларусі ацэначная місія будзе знаходзіцца з 16 па 18 ліпеня.
Трэба адзначыць, што кіраўнікі ЦВК Беларусі крытычна ацэньваюць работу назіральнікаў АБСЕ.
Так, на пасяджэнні Цэнтрвыбаркама 19 чэрвеня Ярмошына папракнула АБСЕ ў тым, што выніковыя справаздачы па назіранні за выбарамі "пішуцца не самімі назіральнікамі, а чыноўнікамі, якія ажыццяўляюць гэтыя функцыі ў кабінетах".
А сакратар ЦВК Мікалай Лазавік на прэс-канферэнцыі 11 ліпеня заявіў: "Можаце мяне запісаць у апазіцыянеры, але я ўнутрана не згодны з запрашэннем місіі назіральнікаў ад АБСЕ".
Паводле слоў Лазавіка, ён "зняверыўся ў аб`ектыўнасці заключэнняў місіі АБСЕ". "Прэзідэнцкія выбары 2010 года былі высока ацэненыя практычна ўсімі назіральнікамі. У папярэдняй справаздачы БДІПЧ АБСЕ нават было напісана, што працэс галасавання праходзіць добра. Але затым усе станоўчыя моманты былі выкінутыя, а пакінуты толькі негатыў. Еўрачыноўнікі сфальсіфікавалі вынікі назірання, замяніўшы іх палітызаванымі ацэнкамі. Яны ацэньвалі не вынікі выбараў, а далі палітычную ацэнку мерапрыемству "Плошча", — сказаў сакратар ЦВК.
У той жа час ён падкрэсліў, што будзе выконваць сваю работу па забеспячэнні зручнай працы назіральнікаў, у тым ліку ад АБСЕ. "Недахопу ў місіях не будзе", — запэўніў сакратар ЦВК.
Каментуючы гэтыя папрокі, прадстаўнік БДІПЧ АБСЕ Томас Раймер 22 чэрвеня адзначыў: "Для ацэнкі выбарчых працэсаў у Беларусі і іншых краінах АБСЕ выкарыстоўвае аднолькавую метадалогію. БДІПЧ АБСЕ мае мандат на назіранне за выбарчымі працэсамі і іх ацэнку ў краінах АБСЕ ў адпаведнасці з абавязацельствамі АБСЕ і іншымі міжнароднымі стандартамі дэмакратычных выбараў".
"АБСЕ засноўвае свае ацэнкі толькі на непасрэдных назіраннях сваіх назіральнікаў, — сказаў Раймер. — У адпаведнасці з абавязацельствам па забеспячэнні празрыстасці работы АБСЕ прадстаўляе свае ацэнкі і высновы ў публічных справаздачах: выніковых справаздачах, заявах аб папярэдніх адкрыццях і высновах, а таксама прамежкавых справаздачах. Усе яны даступныя на сайце АБСЕ".
Парламенцкія выбары ў Беларусі пройдуць 23 верасня.
6 ліпеня МЗС Беларусі накіравала запрашэнні для ўдзелу ў назіранні за парламенцкімі выбарамі ў адрас БДІПЧ АБСЕ, Выканкама СНД, Парламенцкага сходу Саюза Беларусі і Расіі, Міжпарламенцкай асамблеі СНД, Міжпарламенцкай асамблеі ЕўрАзЭС, Парламенцкай асамблеі АДКБ і Парламенцкай асамблеі АБСЕ.
Сяргей Каралевіч, БелаПАН
Мінск, 16 ліпеня 2012
Ссылка на текущий документ: http://belarus.kz/aktueller/6-1/111/15138
Текущая дата: 26.12.2024