Дзяржаўны сакратар Савета Бяспекі Рэспублікі Беларусь Аляксандр Вальфовіч 13 лютага ў Мінску сустрэўся з генеральным сакратаром Арганізацыі Дагавора аб калектыўнай бяспецы Імангалі Тасмагамбетавым.
У ходзе сустрэчы адбыўся абмен думкамі па актуальным падзеям міжнароднага парадку дня. Абмеркаваны пытанні старшынства Рэспублікі Беларусь у арганізацыі, ход выканання раней прынятых рашэнняў Камітэта сакратароў саветаў бяспекі АДКБ.
Імангалі Тасмагамбетаў праінфармаваў пра работу Сакратарыята АДКБ па падрыхтоўцы да чарговых мерапрыемстваў, запланаваных у 2023 годзе.
Аляксандр Вальфовіч акцэнтаваў увагу на беларускіх ініцыятывах у межах старшынства ў арганізацыі, якое перайшло ад Арменіі да нашай краіны з канца мінулага года, а таксама прапанаваў правесці бліжэйшае пасяджэнне Камітэта сакратароў саветаў бяспекі АДКБ у Мінску ў чэрвені гэтага года.
Звязда, 13 лютага 2023
Ссылка на текущий документ: http://belarus.kz/aktueller/6-1/13/68380
Текущая дата: 22.12.2024