Якія падзеі адбыліся 6 студзеня і чым адзначаны гэты дзень у народным календары, чытайце далей:

У 1582 годзе быў заключаны Ям-Запольскі мір, якім скончана Лівонская вайна.

У 1950 годзе пачалася рэгулярная трансляцыя праграм Беларускай рэдакцыі Радыё Ватыкана.

У 1994 годзе Беларусь устанавіла дыпламатычныя адносіны з Грузіяй.

1892 год: Адам Станкевіч, беларускі каталіцкі святар, грамадскі і культурны дзеяч, асветнік, культуролаг, выдавец і публіцыст.

1942 год: Мікалай Кірэеў, беларускі мастак і педагог.

Таксама сёння нарадзіліся нацыянальная гераіня Францыі Жана д’Арк, нямецкі археолаг Генрых Шліман, французскі гравёр Гюстаў Дарэ і італьянскі акцёр Адрыяна Чэлентана.

Увечары напярэдадні Нараджэння Хрыстова адзначаюць Куццю.

Гэта апошні дзень каладнага поста, сёння вернікі ўстрымліваюцца ад ежы і п`юць толькі ваду, пакуль не ўзыдзе першая зорка. Яна сімвалізуе Віфлеемскую зорку, якая абвясціла пра тое, што нарадзіўся Хрыстос.

На стале абавязкова павінна была быць куцця – салодкая каша, якую адмыслова гатавалі напярэдадні Каляд, і аўсяны кісель. Таксама ў гэты дзень хадзілі ў царкву.

Sputnik, 6 студзеня 2023