Нямеччына пачала расьсьледаваньне ў адносінах да лібійскага кіраўніка Муамара Кадафі з мэтаю сабраць доказы яго дачыненьня да злачынстваў супраць чалавечнасьці.
Пра гэта прадстаўнікі нямецкай Генэральнай пракуратуры паведамілі ў аўторак, дадаўшы, што ня маюць намеру па выніках расьсьледаваньня самастойна выстаўляць абвінавачаньні палкоўніку Кадафі. Сабраныя матэрыялы будуць перададзеныя ў Міжнародны крымінальны суд у Гаазе.
Напярэдадні Злучаныя Штаты пашырылі санкцыі супраць Лібіі. Яшчэ тры лібійскія дзяржаўныя банкі ўнесеныя ў сьпіс кампаніяў, якім забаронена весьці бізнэс на тэрыторыі ЗША. Пад амэрыканскімі санкцыямі знаходзяцца ўжо 6 лібійскіх прадпрыемстваў, у тым ліку хімічныя і спэцыялізаваныя на марскіх перавозках.
Таксама ў аўторак адміністрацыя ЗША адмяніла санкцыі супраць былога міністра нафтавай прамысловасьці Лібіі Шукры Ганэма, які першага чэрвеня перайшоў на бок паўстанцаў.
Радыё Свабода
22 чэрвеня 2011
Напярэдадні Злучаныя Штаты пашырылі санкцыі супраць Лібіі. Яшчэ тры лібійскія дзяржаўныя банкі ўнесеныя ў сьпіс кампаніяў, якім забаронена весьці бізнэс на тэрыторыі ЗША. Пад амэрыканскімі санкцыямі знаходзяцца ўжо 6 лібійскіх прадпрыемстваў, у тым ліку хімічныя і спэцыялізаваныя на марскіх перавозках.
Таксама ў аўторак адміністрацыя ЗША адмяніла санкцыі супраць былога міністра нафтавай прамысловасьці Лібіі Шукры Ганэма, які першага чэрвеня перайшоў на бок паўстанцаў.
Радыё Свабода
22 чэрвеня 2011
Ссылка на текущий документ: http://belarus.kz/aktueller/6-1/169/7439
Текущая дата: 28.09.2024