Генеральная пракуратура Беларусі ўзбудзіла крымінальную справу ў дачыненні да мэра Дняпра Барыса Філатава, яму інкрымінавана распальванне нацыянальнай варожасці.

Устаноўлена, што падазраваны, з’яўляючыся службовай асобай, арганізаваў зняцце нацыянальнага сімвала Рэспублікі Беларусь-Дзяржаўнага сцяга, размешчанага ля ўваходу ў будынак гарадскога савета, і замену яго на палотнішчы бел-чырвона-белага колеру.

Наздзекаваўшыся над гістарычнай і культурнай рэліквіяй, ён тым самым прынізіў нацыянальны гонар і годнасць беларусаў. Гэта відавочна шкодзіць цесным і дружалюбным сувязям нашых народаў, сведчыць аб нежаданні весці канструктыўны дыялог.

Супрацьпраўныя дзеянні кваліфікаваныя па ч. 2 арт. 130 Крымінальнага кодэкса. Для арганізацыі папярэдняга расследавання крымінальная справа накіраваная ў Следчы камітэт Беларусі.

Звязда, 10 лютага 2022