Зоркапад Персеіды утвараецца з рэшткаў камэтнага «хваста». Калі каметы набліжаюцца да Сонца, яны награваюцца і пачынаюць рассейваць невялікія часціцы лёду і пылу ў міжпланетнай прасторы. Пад сілай сонечнага ветру гэтыя крупінкі перамяшчаюцца ад цэнтра Сонечнай сістэмы.

Зорнае неба жніўня ўпрыгожыць традыцыйны жнівеньскі зоркапад з сузор`я Пярсей - Персеіды, дзеянне якога прыходзіцца на перыяд з 23 ліпеня па 20 жніўня, а пік патоку - на 12-13 жніўня.

Паводле прагнозаў Міжнароднай метэорнай арганізацыі (ММА), у гэтым годзе чакаецца да 110 метэораў у гадзіну пры ясным небе. Лепш за ўсё Персеіды будуць бачныя праз тры-чатыры дні пасля піка - з 16-23 жніўня.

Для назірання за зоркападам спецыялісты з ММА раяць з`ехаць ад зон светлавога забруджвання, гэта значыць ад дарог, гарадоў і прамысловых прадпрыемстваў. Нават у горадзе можна знайсці прыдатныя для аглядання месца пры дапамозе спецыяльнай карты. На самой кропцы назірання неабходна даць вачам прызвычаіцца да цемры, а не спяшацца глядзець на неба. Толькі пасля гэтага варта шукаць Персеіды.

Звязда, 1 жніўня 2020