У Маскве і Кіеве ўжо прызямліліся самалёты з удзельнікамі дамоўленасці аб адначасовым вызваленні асуджаных і затрыманых асоб. У абмене ўдзельнічалі па 35 чалавек з кожнага боку, адзначыла Маскалькова.

Як паведаміў Інтэрфаксу кіраўнік групы адвакатаў Мікалай Полазаў, Расія вызваліла ўсіх 24 украінскіх маракоў, затрыманых у Керчанскім праліве.

Полазаў дадаў, што яны былі вызваленыя пад даручальніцтва упаўнаважанага па абароне правоў чалавека на Украіне Людмілы Дзянісавай.

Таксама ў ліку вызваленых з-пад варты ў Расіі ўкраінскі кінарэжысёр Алег Сянцоў, асуджаны за падрыхтоўку тэракту ў Крыме на 20 гадоў у 2015 годзе і які ўжо пачаў адбываць свой тэрмін у Ямала-Ненецкай аўтаномнай акрузе, паведамляе ВВС.

Сярод тых, хто вярнуўся ў Расію - кіраўнік РІА Навіны Украіна Кірыл Вышынскі.

Звязда, 7 верасня 2019