Кіраўнік дзяржавы агледзеў парк баявых машын, дзе азнаёміўся з яго аснашчэннем і станам тэхнікі, перспектывамі яго ўдасканалення. Прэзідэнт паглядзеў, як арганізавана работа па тэхнічным абслугоўванні і рамонце ўзбраення, ваеннай і спецыяльнай тэхнікі.

Аляксандр Лукашэнка звярнуў увагу на тое, што беларускую армію неабходна аснашчаць мабільнымі сродкамі. Прэзідэнту быў прадэманстраваны адзін з узораў такіх машын, якія збіраюцца на Мінскім заводзе колавых цягачоў з выкарыстаннем расійскіх камплектуючых. Прэзідэнт даручыў максімальна лакалізаваць вытворчасць такой тэхнікі ў Беларусі, звярнуўшы пільную ўвагу на якасць. "Такія машыны нам патрэбны для павышэння мабільнасці арміі, - сказаў кіраўнік дзяржавы. - ППА добра, але не дай бог нас не падстрахуюць са спіны браты, і нам давядзецца весці вайну самім". Аляксандр Лукашэнка лічыць гэта перспектыўным узбраеннем.

Кіраўнік дзяржавы пацікавіўся тэрмінамі мадэрнізацыі тэхнікі, якая знаходзіцца на балансе ў часцях Узброеных Сіл. Як было даложана Прэзідэнту, гэта работа завершыцца ў 2017-2018 гадах. Цяпер ажыццяўляецца праверка стану тэхнікі.

8 ліпеня 2014, Віцебск
Таццяна Паляжай - БЕЛТА

Ссылка на текущий документ: http://belarus.kz/aktueller/6-1/84/26548

Текущая дата: 29.12.2024