Спецыяліст падкрэсліла, што многія людзі сістэмна ў лішку ўжываюць цукар, што прыводзіць да праблем са здароўем і фігурай.

«Глюкозу і добры настрой можна атрымліваць і без цукру: з круп, садавіны і агародніны — натуральнай, а не кансерваванай», — нагадала Бачарова.

«Ёсць сіла звычкі, ёсць сацыяльныя традыцыі — гарбата з торцікам у гасцях, кава з булачкай з раніцы, — працягнула ўрач. — Насамрэч галоўнае, калі вы хочаце адмовіцца ад цукру, — замяніць цукеркі садавінай і пратрымацца ў такім рэжыме тыдзень. Вы ўбачыце першыя вынікі, і яны могуць стаць стымулам для таго, каб вы працягнулі харчавацца па-новаму».

Па словах Бачаровай, ужо праз дні пасля адмовы ад цукру палепшацца страваванне і праца кішэчніка, стабілізуецца эмацыйны фон. На працягу тыдня відавочна палепшыцца стан скуры, могуць знікнуць праблемы са сном, калі такія ёсць. Гэтыя працэсы будуць развівацца і ў наступныя дні, так што месяц без цукру сапраўды прыбярэ лішнія кілаграмы, палепшыць гарманальны фон і імунітэт.

Звязда, 18 лістапада 2021