Для пачатку навукоўцы з Каліфарнійскага і Пенсільванскага ўніверсітэтаў вывучылі звесткі двух апытанняў больш за 35 тысяч амерыканцаў. У адным з іх удзельнікі падавалі дэталёвую інфармацыю пра тое, чым яны займаліся на працягу папярэдніх 24 гадзін і як гэта на іх адбівалася. Высветлілася, што самаадчуванне паляпшалася з павелічэннем вольнага часу, аднак пры дасягненні адзнакі ў дзве гадзіны пераставала гэта рабіць, а пасля пяці — пачынала зніжацца. Аналіз іншага апытання выявіў тую ж шкоду для пачуцця дабрабыту.

Затым даследнікі правялі два анлайн-эксперыментаў з удзелам больш за шэсць тысяч чалавек. У першым удзельнікаў прасілі прадставіць, што на працягу шасці месяцаў кожны дзень у іх будзе толькі ўсталяваная колькасць вольнага часу. Ім выпадкова прызначалі час — ад 15 хвілін да сямі гадзін — і прасілі апісаць свае пачуцці. У людзей з мінімальным і максімальным часам самаадчуванне аказалася горш. У другім эксперыменце ўдзельнікам прызначалі сярэдняе — 3,5 гадзіны — або максімальнае (сем гадзін) вольнага часу, але ў той жа час прасілі правесці яго за прадуктыўнымі (трэніроўкамі або хобі) або непрадуктыўнымі (глядзеннем тэлевізара) заняткамі. Пры выкананні апошніх нават пры большай колькасці вольнага часу самаадчуванне пагаршалася.

Звязда, 13 верасня 2021