"Сёння, на 85-м годзе жыцця, пасля цяжкай і працяглай хваробы памёр мой родны брат Аркадзь Саламонавіч Шэр, выдатны чалавек і таленавіты мастак. Светлая яму памяць", - напісала Суворава ў Facebook.

Аркадзь Шэр працаваў над мультфільмам Уладзіміра Папова "Канікулы ў Прастаквашына" ў 1980 годзе. Тады мастак змяніў першапачатковы візуальны выгляд амаль усіх персанажаў, створаных раней мастакамі Лявонам Хачатранам і Мікалаем Ерыкаловым у першай стужцы "Трое з Прастаквашына".

Аркадзь Шэр і Аляксандр Вінакураў сталі мастакамі-пастаноўшчыкамі пры стварэнні і трэцяй часткі серыі "Зіма ў Прастаквашына" (1984). У гэты раз знешні выгляд герояў зноў зведаў шэраг змен.

Шэр працаваў на кінастудыі "Саюзмультфільм" з 1959 года. Усяго ён працаваў над стварэннем больш за 40 фільмаў.

Звязда, 7 жніўня 2018