Для даследавання метадам выпадковай выбаркі былі адабраны ў васьмі правінцыях і буйных гарадах 242 цацкі, і 20 з іх не адпавядалі стандартам. А ў трох цацках былі знойдзены шкодныя для здароўя цяжкія металы — такія, як свінец і хром. Астатнія ж мелі "вострыя краі і небяспечныя выпукласці".

Эксперты агенцтва пратэсціравалі і некаторыя іншыя тавары, уключаючы дзіцячы абутак, веласіпеды і дзіцячыя крэслы-хадункі. Да 20 працэнтаў прадукцыі кожнага віду мелі тыя ці іншыя праблемы, у тым ліку "грашылі" залішнім утрыманнем фармальдэгіду.

Рэпутацыя кітайскіх вытворцаў і так была сапсавана ў апошнія гады з-за шэрагу скандалаў, звязаных з бяспекай прадукцыі. Напрыклад, праблемы ўзнікалі з дзіцячым харчаваннем, у якое дабаўляўся меламін, з цацкамі, пакрытымі таксічнай свінцовай фарбай. У мае спецыялісты Grееnреасе заявілі, што некаторыя віды дзіцячых цацак, што прадаюцца ў Кітаі і Ганконгу, утрымліваюць фталаты. Гэтыя хімікаты прымяняюцца як пластыфікатары для пластмас і сінтэтычных каўчукоў, а ў парфюмерыі — у якасці растваральнікаў і фіксатараў пахаў. Фталаты могуць парушаць гарманальны баланс, таму некалькі гадоў забаронены ў краінах ЕС для выкарыстання ў дзіцячых цацках...

Надзея Нікалаева
Звязда, 10 чэрвеня 2011

Ссылка на текущий документ: http://belarus.kz/aktueller/6-402/18/7072

Текущая дата: 23.11.2024